நிறைநீர் கடம்பே  நிறைநீர் கடம்பே

நிறைமதி வடிவோடு நறுங்கடம்பே 

துறைசேர் கடம்பே துறைசேர் கடம்பே

துறைபடி நீரோடு துறுங்கடம்பே

வையை கரையில் வண்ண கடம்பில் 

வண்டு கதைப்பது பண்ணா கடக்குது 

கடம்போடு வாழ்வென ஊரொன்று இருக்க

கடம்பனென வேலனுக்கு பேரொன்னு இருக்கு

உருளிணர் கடம்பே உருளுது மனமே

கவின்மிகு கடம்பே கவியேற்றும் கடம்பே

திணிநிலை கடம்பே திரளரை அழகே

திகழ்நிறை  கடம்பே திறம்பா மணமே

கடம்பமர் செல்வன் கடம்பிலை மலரோடு 

கமழச்சூடி சிறப்பது கடம்பனின் அணிநிலை

சோலை மலையேற செல்லும் வழியில்

செம்மை கடம்பென சொல்லும் இருபுறம்

நீர்நிறை வையை  நீர்க்கடம்பு நிறைய

நீரவர் நினைய நீங்கா மதுரை

நிறைநீர் கடம்பே நிறைநீர் கடம்பே

நிறைமதி வடிவோடு நறுங்கடம்பே 

துறைசேர் கடம்பே துறைசேர் கடம்பே

துறைபடி நீரோடு துறுங்கடம்பே

நன்றி - அழ.குழ.மா.அழகப்பன்